HAKİKAT HER VÜCUDUN CANI AŞKTIR

Hakîkat her vücudun canı aşktır,
Ne can ki, can içinde canı aşktır.

Bu can cismimi kayim tutar ancak,
O can ki, zahir ve pinhan-ı aşktır.

Bu aşk elinde aciz cümle eşya,
Ne sır ki kamu sergerdan-ı aşktır.

Bu aşk kandalığın bilmez kimesne,
Bilirler haddini payan-ı aşktır.

Gehi Layla olur Mecnun gözünden,
Geh olur Leyla'nın hayran-ı aşktır.

Gehi kan yaş akar Yakup gözünden,
Geh olur Yusuf-ı Kenan-ı aşktır.

Diriltir ölüyü İsa deminde,
Geh olur Musi-i Ümran-ı aşktır.

Enel Hak çağırır Mansur dilinden,
Cüneyt'te cübbe ve irfan-ı aşktır.

Bu aşkın türlü türlü rengi çoktur,
Kimi giryan, kimi handan-ı aşktır.

Feda bu aşka canım dinim olsun,
Bana hem din ve hem îman-ı aşktır.

Ne Yunus onda yüz bin can-ı Yunus,
Kabul etsin ne kim kurban-ı aşktır.

Vücudun cübbesin aşk ile çak et,
Dalagör ona ki Umman-ı aşktır.

Yunus Emre


(Şiirin aslı)

Hakîkat her vücûdun cânı ‘ışkdur
Ne cân kim cân içinde cânı ‘ışkdur

Bu cân cismümi kâyim tutar ancak
O cân kim zâhir ü pinhân-ı ‘ışkdur

Bu ‘ışk elinde ‘âciz cümle eşyâ
Ne sır kim kamu ser-gerdân-ı ‘ışkdur

Bu ‘ışk kandalıgın bilmez kimesne
Bilürler haddini pâyân-ı ‘ışkdur

Gehî Leylî olur Mecnûn gözinden
Geh olur Leylî'nün hayrân-ı ‘ışkdur

Gehî kan yaş akar Ya'kûb gözinden
Geh olur Yûsuf-ı Ken'ân-ı ‘ışkdur

Dirildür ölüyi ‘Îsâ deminde
Geh olur Mûsî-i ‘Ümrân-ı ‘ışkdur

Ene'l-Hak çagırur Mansûr dilinden
Cüneyd'de cübbe vü ‘irfân-ı ‘ışkdur

Bu ‘ışkun dürlü dürlü rengi çokdur
Kimi giryân kimi handân-ı ‘ışkdur

Fidî bu ‘ışka cânum dînüm olsun
Bana hem dîn ü hem îmân-ı ‘ışkdur

Ne Yûnus anda yüz bin cân-ı Yûnus
Kabûl itsün ne kim kurbân-ı ‘ışkdur

Vücûdun cübbesin ‘ışkıla çâk it
Talagör ana kim ‘ummân-ı ‘ışkdur

Yunus Emre

Derleme ve yorum: Zeki Çağlar