HEY YARANLAR HEY KARDEŞLER

Hey yaranlar hey kardaşlar, nic'edeyim n'ideyim ben,
Sen benim kulum değilsin der olursa n'ideyim ben.

Zelil mağbun kala başım, orda hiç dinmeye yaşım,
Mahşer günü içim dışım, nar olursa n'ideyim ben.

Suç anıncak göyner özüm, kan yaş ile dolar gözüm,
Yarın Hak katında yüzüm kararırsa n'ideyim ben.

Fesat ile dolu içim, hey hoca bağışla suçum,
Key Cehennem benim için, yer olursa n'ideyim ben.

Yunus der ki: Artdı derdim, ben fesat içinde kaldım,
Sine varacağız kabrim dar olursa n'ideyim ben.

Yunus Emre


(Şiirin aslı)

Hey yârânlar hey kardaşlar nic'edeyin n'ideyin ben
Sen benüm kulum degülsin dir olursa n'ideyin ben

Zelîl magbûn kala başum anda hîç dinmeye yaşum
Mahşer güni içüm taşum nâr olursa n'ideyin ben

Suç anıcak göyner özüm kan yaşıla tolar gözüm
Yarın Hak katında yüzüm kar'olursa n'ideyin ben

Fesâdıla tolu içüm hey hoca bagışla suçum
Key Cehennem benüm içün yir olursa n'ideyin ben

Ben fesâd içinde kaldum Yûnus eydür artdı derdüm
Sine varıcagız kabrüm dar olursa n'ideyin ben

Yunus Emre

Derleme ve yorum: Zeki Çağlar